Европол разби мрежа поради измама од повеќе милиони евра за добивање лажни надоместоци за француски слушни апарати

Европол денеска соопшти дека е разбиена мрежа за измама од повеќе милиони евра за добивање лажни надоместоци за слушни апарати од Франција и дека во полициската операција во таа земја се уапсени осуммина осомничени за вмешаност во измамата.

Како што се наведува во соопштението, уапсените се осомничени дека основале фиктивни компании за слушни помагала во јули 2024 година, користејќи фалсификувани дипломи за да обезбедат акредитација од здравствените власти и да добијат договори со францускиот државен Фонд за здравствено осигурување.

Тие потоа издавале лажни фактури и користеле детали за извештаите украдени од пациентите, со што преку лажни надоместоци дошле до исплата на 6,7 милиони евра (7,3 милиони американски долари) преку компании низ Европа, соопшти Европол.

Европол, со седиште во Хаг, исто така соопшти дека француската полиција уапсила осум осомничени претходно овој месец, при што е запленет имот во вредност од 195.000 евра.