Две деца во Газа убиени во израелски напад со беспилотно летало

mohammed-ibrahim-on-unsplash

 Две деца се убиени денеска во израелски напад во јужна Газа, соопштија лекари и членови на семејството, во продолжение на насилството и покрај прекинот на огнот што е во сила од 10 октомври.

Чичкото на децата кажа дека браќата Фади и Гома Абу Аси, на возраст од 10 и 12 години, биле убиени во израелски напад со беспилотно летало источно од Кан Јунис додека собирале дрва за огрев.

Тие се деца, што направиле? Немаат ракети ниту бомби, отишле да соберат дрва за својот татко, за да може да запали оган“, рече Мохамед Абу Аси за време на погребот.

Израелската војска не одговорила на барањето на Ројтерс за коментар.

Здравствените власти во Газа велат дека најмалку 354 Палестинци се убиени откако примирјето меѓу Израел и Хамас стапи на сила на 10 октомври. Израелската армија тврди дека милитантите убиле тројца израелски војници во истиот период.

Иако нивото на насилство се намали, Израел продолжува да напаѓа во Газа и да уништува делови од територијата што ја контролира.