Чешка компанија купувала дронови во Кина па и ги продавала на Украина за 20 пати поскапо

Freepik

Чешката компанија „Reactive Drone“ продавала кинески дронови на Украина по цена 20 пати повисока од онаа за која биле купени. Во текот на две години, фирмата купила дронови во Кина за 36 милиони чешки круни и ги продала на Украина за 692 милиони круни.

Според информациите на чешките медиуми, компанијата не платила даноци во износ од околу 130 милиони чешки круни, а парите биле префрлани на сметки во Кина.

Спроведени се претреси, запленети се сметководствени евиденции, а околу 384 милиони круни на сметките на компанијата се замрзнати. Извршниот директор е приведен.