Министерот Љутков ќе се обрати на отворањето на „Форум за културните рути на Советот на Европа во функција на развојот на културниот туризам“

Министерот за култура и туризам Зоран Љутков утре, среда, (16.4.2025 г.) во 10:30 часот, во просториите на Јавна соба (ул. „50. Дивизија“ бр. 22, Скопје) ќе се обрати на отворањето на настанот „Форум за културните рути на Советот на Европа во функција на развојот на културниот туризам“.

На Форумот ќе бидат презентирани културните рути на Советот на Европа во кои е вклучена и нашата држава: „Рута на Св. Кирил и Методиј“, „Винска рута-Итер Витис“ и „Рута на римски иператори и Дунавска винска рута“.

Форумот претставува можност за дискусија, размена на идеи, мислења и искуства со други експерти и учесници од различни сфери за идниот развој на оваа област.