Македонски
Денеска, 8 септември 2025 година, во 15:56 часот во ОВР Гостивар е пријавена тешка сообраќајна несреќа на магистралниот пат од Мавровска крстосница кон Гостивар. Во судирот учествувале четири мотоцикли и четири патнички возила, при што пет лица се здобиле со повреди.
Поради несреќата, сообраќајот на овој патен правец е целосно во прекин. Полициските службеници од ОВР Гостивар вршат пренасочување на возилата по алтернативни локални патишта – преку Прогрес каменолом и Панорама кај Вруток.
