Повторно прегазен пешак на „Партизанска“: Жена завршила во болница со тешки повреди

Денеска (02.04.2025) во 15:58 часот, во СВР Скопје од ГОБ „8 Септември“ е пријавено дека кај нив е донесена 68-годишната З.А. од Скопје, која била тешко повредена во сообраќајна несреќа на булевар „Партизански одреди“ во Скопје.

Несреќата се случила кога во жената удрило патничко возило „Опел“ со скопски регистарски ознаки, управувано од 26-годишниот В.Ј. од Скопје. На повредената жена и биле констатирани тешки телесни повреди, по што веднаш била префрлена во болница за укажување лекарска помош.