Голем пожар во Визбегово, зафатени неколку камиони

Вечерва избувна голем пожар во индустриската зона Визбегово, во близина на бензинската пумпа „Хиб Петрол“. Според првичните информации, во пожарот се зафатени четири камиони, а засега не е познато дали има повредени лица или што ја предизвикало огнената стихија.

На терен интервенираат екипи на Противпожарната бригада, кои се обидуваат да го локализираат пожарот и да спречат негово проширување.

Од Центарот за управување со кризи велат: преку Единствениот повикувачки број за итни случаи 112 во ЦУК, вечерва, во 21.14 часот, е добиена пријава за пожар во фирмата „АТЛАНТИК“ во населба Визбегово. Според првичните информации се работи за пожар на два камиони (шлепери), но според пријавата на јавувачот постои опасност да бидат зафатени и други камиони. Од спротивна страна на патот се наоѓа бензинската пумпа ХИБ Петрол. За настаната состојба веднаш се известени БППЗ на Град Скопје и ЦИК на МВР.