Силен земјотрес на Крит

Земјотрес со јачина од 4,7 степени според Рихтеровата скала е регистриран во 9.02 часот на островот Крит во Грција.

Според достапните податоци, епицентарот на земјотресот бил лоциран во област со географски координати од географска ширина 35,28 и географска должина 26,32, која е на самиот источен раб на овој остров.

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно шест километри под површината на земјата.

Засега нема извештаи за материјална штета или повредени, а надлежните служби ја следат состојбата.