Офицер на српската армија, шеф на воените набљудувачи на Блискиот Исток

mod.gov.rs

Припадникот на српската армија, потполковник Дејан Милошевиќ, ја презеде функцијата шеф на групата за набљудување Голан-Дамаск во Мисијата за следење на примирјето на Обединетите нации на границата на Сирија и Израел, објави Министерството за одбрана на Србија.

Ова е нова позиција за припадниците на српската армија во мировната операција на Блискиот Исток.

Како шеф на оваа група, српскиот офицер ќе биде одговорен за работата на воените набљудувачи на Обединетите нации кои имаат задача да известуваат за настани што водат до или можат да доведат до кршење на Договорот за разделување од 1973 година меѓу Сирија и Израел.