Македонски
Во призренскиот соборен храм „Свети Ѓорѓи“ беше забележано е дека на иконата, која е насликана по примерот на чудотворната икона на Казанската Богородица со Христос, од очите на Спасителот течат солзи, соопшти Епархијата рашко-призренска.
Овој настан е снимен при посетата на група поклоници „Метохија за млади“, додека верниците ги бакнувале иконите.
-Солзите беа безбојни и без мирис, како природни човечки солзи, а исклучено е да е масло од свеќник бидејќи свеќникот е понизок од ликот на Спасителот, соопштија од Рашко-призренската епархија.
Насобраните верници почнаа да пеат тропари, а призренскиот парох Јован Радиќ ги помаза присутните со масло од кандило.
Потоа беше прочитан Акатистот на Пресвета Богородица со учество на свештеникот Владан и ѓаконот Стефан, кои служат во храмот на Богородица Љевишка во Призрен.
За овој настан бил информиран митрополитот Рашко-Призренски Теодосије.
Солзи течеа од очите на Спасителот околу еден час. Во овие предбожиќни денови овој очигледен знак Божји го доживуваме како утеха и потсетување дека Христос не го заборава својот верен народ на Косово, дека Пресвета Богородица постојано се моли за нас, но и како покана не да престанеме со нашите молитви за спас и мир на Косово и на целиот свет, заклучуваат тие во соопштението.
