Победа на РК Вардар за своите фанови и за настраданите во Кочани

Победа на РК Вардар во скопското дерби со Алкалоид 34-26. Вардарци го имаа водството во текот на целиот меч а тимот на Кире Лазаров како да изгледаше уморен од мечот во ЕХФ купот. Голманот Фереира имаше своја вечер во моментите кога гостите се доближуваа резултатски а Борозан со своите “бомби” од далечина ја воодушеви публиката и потсети на старите денови.

Ова беше вистинско дерби на две од трите најдобри екипи во Македонија. Одлична атмосфера во “Јане Сандански”, а приходот од влезниците ќе биде дониран за настраданите во пожарот во Кочани. Ова е важна победа за вардарци пред клучните дуели во Автокоманда и Битола во продолжението на плеофот и борбата за титулата.

На крајот на мечот, поточно во 59-тата гледачите аплаудираа и скандираа “Кочани, Кочани”.