Победа за нашата Лина во Романија

Македонската тенисерка Лина Ѓорческа имаше успешен старт на ИТФ турнирот во Слобозија, Романија. Таа во првото коло ја совлада домашната тенисерка Симона Огесгу со 2:0 во сетови (6:3, 6:2) за 88 минути.

Во првиот сет беше изедначено на стартот и 2:2 во гемови, а првиот брејк го направи Ѓорческа. Во деветтиот гем македонската тенисерка го освои гемот на свој сервис без загубен поен и со тоа најави освојување на првиот сет, кој го доби со 6:3 во гемови. Во вториот сет Ѓорческа имаше предност од 2:0, а потоа водеше и со 3:2 во гемови и со три гема во низа го заврши сетот со 6:2 искористувајќи ја првата меч топка за конечен триумф во стартниот меч.

Во следното коло Ѓорческа ќе игра против уште една тенисерка од Романија Бланка Барбулеску .