Македонски
Фудбалерот на Манчестер Сити, Кевин Де Бруин денеска изјави дека не е сигурен каде ќе ја продолжи кариерата по заминувањето од англискиот клуб и дека неговото семејство е малку исплашено за иднината.
Де Бруин минатата недела објави дека по 10 години ќе го напушти Сити на крајот на сезоната.
Се шпекулира дека 33-годишниот белгиски фудбалер би можел да се пресели во некој од клубовите во САД или во Саудиска Арабија, но по денешниот натпревар и победата против Кристал Палас (5:2) изјави дека се уште не одлучил.
-Тука сум толку долго, моето семејство е тука 10 години, моите деца се родени во Манчестер и се тука цел живот – сега ќе биде малку поинаку за нив. Мислам дека тие се малку исплашени. Засега е непознато бидејќи во овој момент не знаеме што ќе се случи. Но, сакам да уживам играјќи добар фудбал, како денес. Ќе бидам добро. Ако можам да играм фудбал и моето семејство е среќно, добро сум, изјави Де Бруин.
