Џајковски приреди уникатно аудио-визуелно патување

Во големата сала на Националната опера и балет, синоќа публиката беше сведок на уникатно аудио-визуелно патување низ најдобрите музички мигови од филмската кариера на еден од највлијателните композитори на нашето време – Кирил Џајковски.

Џајковски првпат настапи во живо во придружба на голем симфониски оркестар и хор. Музиката од култните филмови :  „Големата вода“ „Прашина“, „Сенки“, „Балканот не е мртов“, „Врба“, „Бал-кан-кан“, „Piargy“, „Трето полувреме“ и многу други ја крена на нозе публиката и предизвика овации.

Под диригентската палка на Џијан Емин, со учество на солистите Владимир Крстев, Ратко Даутовски, Антоние Весковски, Андреј Трајковски и Игор Иванов, концертот претставува ретроспектива на 25 годишното композиторско творештво за филм на Џајковски – музичко патување што не се пропушта.

Концертот беше распродаден веднаш по најавата, а публиката имаше вечер исполнета со емоции, рефлексија, носталгија и моќно музичко доживување!