Македонски
Клиниките за естетска хирургија од Турција се надалеку познати и за подобрување на својот изглед или за транспантација на коса таму доаѓаат клиенти од целиот свет.
Една од трансформациите направени во клиниката „Есте“ во Истанбул, на мажот по име Рони особено го привлече вниманието на светската јавност. Кога ќе ги погледнете неговите фотографии пред и по интервенциите – ќе се запрашате дали станува збор за истата личност.
Сепак, администраторите на страницата ги детализираат сите применети процедури под секоја објава за естетски процедури „пред и потоа“, со цел да ги уверат следбениците дека ваквите достигнувања во подмладувањето се можни денес.
„Горди сме што го споделуваме неверојатниот резултат по 8 месеци на нашиот драг пациент, г-дин Рони, кој беше подложен на целосна процедура за хармонизација на лицето во нашата клиника. Неговата процедура вклучуваше:
- Ринопластика (корекција на носот)
- Горна и долна блефаропластика (процедури за очни капаци)
- Отстранување на букални масни влошки (бишектомија)
- Мини лифтинг на лице
- Подигнување на вратот без лузни
- Дефинирање на вилицата во V-форма
- Подигнување на слепоочницата
Секој чекор е внимателно прилагоден за да ги нагласи неговите природни црти – а воедно да го одржи машкиот и младешкиот изглед. Резултат? Рафиниран, избалансиран и подмладен изглед – без видливи лузни.
Во нашата клиника, се фокусираме на природна естетика, најсовремени техники и безбедност на пациентите. Со повеќе од 20 години искуство и тим од 5 висококвалификувани лекари, продолжуваме да обезбедуваме резултати кои зборуваат сами за себе“, напишаа тие под фотографиите и добија неколку коментари и искрени честитки за постигнатиот ефект.
