Македонски
Тортите не мора да бидат комплицирани и со куп шеќер, можат да бидат брзи, лесни за приготвување и најважно од сѐ – здрави! Викторија Спенџарска (@vegan_viki_) ни сподели рецепт за сирова, посна торта со внимателно одбрани намирници, кои нема да го остават рамнодушно ниедно непце.
Состојки:
За базата:
100 г лешници
10 свежи урми
прстофат сол
За филот:
200 г сирови индиски ореви (потопени во вода преку ноќ па исцедени)
2/3 конзерва кокосово млеко
2 лажици агаве/мед или друг засладувач
1 лажица какао
За декорација:
100 г темно чоколадо
2 лажици кокосово млеко
20 г сечкани лешници
Приготвување:
- Најпрво, изматете ги состојките за базата во моќен блендер или процесор за храна и ставете ја смесата во калап за торти обложен со хартија за печење. Ставете во замрзнувач додека го приготвувате филот.
- Блендирајте ги сите состојки за филот (освен какаото) на најјако додека се добие кремлива структура. Истурете половина од филот врз смесата од урми и лешници и вратете ја во замрзнувач. Додајте го какаото во другата половина, па вратете ја и таа во замрзнувач барем 4-5 часа.
- На крај, стопете го чоколадото на пареа заедно со млекото и декорирајте ја тортата. На здравје.
