Посни кнедли од компир, совршени за славска трпеза

КНЕДЛИ ОД КОМПИР

Потребни се:

500 грама компир,

500 грама брашно,

малку презла и сол.

Подготовка:

Компирот ставете го да се вари неизлупен. Сварениот компир излупете го, испасирајте го, посолете го и замесете го со брашно. Убаво замесете за да биде изедначено и да нема грутчиња брашно.

Добро изработеното тесто развлечете го со оклагија, па сечете квадратчиња или тркалца (а можете да обликувате и топчиња, но вака е полесно) и спуштајте ги во зовриена солена вода.

Кнедлите се варени кога ќе започнат да испливуваат на површината.

Валкајте ги во презла и служете ги топли како прилог (со риба на пример или варен зеленчук). Доколку сакате трпезата да ви изгледа пошарено, тркалајте ги во исецкан магдонос или оригано, или пипер за црвена боја.