Македонски
Фудбалските копачки на Роберто Баџо, велосипедот „Пинарело“, ергономските столчиња за видео-игри, високо-перформансни скијачки одела, паметни кациги, лизгалки, едра и најсовремени прототипови на опрема и легендарните „Moon Boots“, инспирирани од обувките на астронаутите и претворени во глобален моден симбол од денеска може се видат на меѓународната изложба „Предизвик: Иновацијата на италијанскиот дизајн во спортот“ која е отворена во Нациопналната галерија, објект „Мала станица“.
Организатор на изложбата р амбасадата на Италија во Скопје. Изложбата е совршен приказ на динамичниот спој на спортот, технологијата и креативноста прикажана преку извонредноста на италијанскиот индустриски дизајн и на брендот „Произведено во Италија“.
Курирана од ADI – Здружението за индустриски дизајн – и промовирана од италијанското Министерство за надворешни работи и меѓународна соработка (MAECI), изложбата „Предизвик“ е визуелно патување низ децении на италијански иновации во спортот. Од 1960-тите до денес, изложбата претставува инвентивни, високотехнолошки решенија дизајнирани да ги подобрат атлетските перформанси и искуствата на корисниците – сите водени од креативност, инженерство, прецизност и длабока посветеност на деталите.
Со долгогодишна традиција на квалитет, италијанскиот дизајн остави траен белег врз естетиката, функционалноста и безбедноста на спортската опрема. Изложбата се отвора со иконски парчиња кои ја одбележале спортската историја и колективната имагинација на Италија.
Изложбата е отворена до 18 мај.
Влезот е бесплатен и изложбата е отворена за сите – наменета за љубителите на спортот, студентите, професионалците за дизајн и за сите љубопитните умови желни да ја доживеат оваа прослава на италијанската креативност во акција.
