Македонски
Министерот за надворешни работи на Турција, Хакан Фидан, изјави дека неговста земја ги прекинува сите трговски односи со Израел и го затвора својот воздушен простор за израелските авиони, како одговор на израелските постапки во Газа.
Целосно ја прекинавме трговијата со Израел. Ги затворивме нашите пристаништа за израелските бродови. Не им дозволуваме на турските бродови да пловат кон израелски пристаништа. Турција не им дозволува на контејнерските бродови што пренесуваат оружје и муниција за Израел да пловат кон нашите пристаништа, ниту пак дозволуваме авиони да летаат во нашиот воздушен простор“, изјави Фидан на парламентарна седница за ситуацијата во Газа во Анкара.
Ниту една друга земја нема целосно прекинато трговски односи со Израел, пренесува ДПА.
Мерките се дел од сеопфатен пакет дипломатски, правни и економски мерки што Анкара ги воведе поради конфликтот во Газа“, додаде Фидан.
Турција постојано истакнува дека војната во Појасот Газа е геноцид.
Повеќе од 62.000 Палестинци се убиени во конфликтот, според податоците од палестинското Министерство за здравство, кои се сметаат за главно веродостојни.
Турција претходно најави дека ќе ја ограничи трговијата со Израел и изјави дека трговија не се одвива од мај 2024 година.
Според Турскиот институт за статистика, трговијата на Турција со Израел изнесувала седум милијарди долари во 2023 година.
