Македонски
САД се заканија дека ќе воведат нови санкции против Русија, ако официјална Москва не ги прифати условите на Вашингтон.
Администрацијата на претседателот Доналд Трамп подготвила нов пакет рестриктивни мерки против Русија, објави Ројтерс, повикувајќи се на извори. Според пишувањето, доколку Москва одбие да ги прифати условите за прекин на конфликтот во Украина, Белата куќа е подготвена да ја разгледа можноста за конфискација на руски средства и нивно последователно користење во интерес на Киев.
Според изданието, по воведувањето санкции против нафтените компании Лукоил и Роснефт, Трамп има намера да ја следи реакцијата на Русија неколку недели, прецизира изворот. Во исто време, американскиот претседател е подготвен да премине на второ ниво на притисок, но веројатно нема да се одлучи да го стори тоа пред крајот на октомври.
Според агенцијата, американските претставници веќе ги информирале европските партнери за нивната поддршка на иницијативата за користење на замрзнатите руски средства во ЕУ за купување американско оружје. Паралелно, во Вашингтон се развива сличен механизам за руски средства под јурисдикција на САД.
