Израелската армија почна изградба на ѕид долг 80 км долж границата со Јордан

timon-studler-on-unsplash

Портпарол на израелската армија објави дека војската почнала со изградбата на првите два дела од ѕидот долж границата со Јордан, со вкупна планирана должина од околу 80 километри.

Во првата фаза, работата ќе се фокусира на долините и низините, додека планирањето продолжува за преостанатите делови.

Министерот за одбрана Израел Кац порача дека бариерата ќе „ги зајакне населбите долж границата и значително ќе го намали шверцот со оружје коешто завршува во рацете на милитантите на Западниот Брег“.

Кац додаде дека тоа ќе „нанесе тежок удар на напорите на Иран и неговите посредници да воспостават источен фронт против Израел“.