Германија ги повикува своите граѓани да го напуштат Иран поради страв од одмазда поради санкциите

Фрипик

Германија ги повика своите граѓани во Иран итно да ја напуштат земјата и да се воздржат од патувања таму, поради стравувања дека би можеле да станат мета на одмазднички мерки од Техеран.

Ова следува по активирањето на механизмот за враќање на санкциите на ОН против Иран поради неговата нуклеарна програма, во што Германија има клучна улога.

Германија, заедно со Велика Британија и Франција, вчера го започна 30-дневниот процес за повторно воведување на санкциите, чекор што се очекува да предизвика нови тензии, два месеца откако Израел и САД извршија бомбардирања врз Иран.

Иранската влада повеќепати се закани со последици, па затоа не може да се исклучи можноста германските интереси и граѓани да бидат погодени од контрамерките на Иран“, се вели во соопштението на германското Министерство за надворешни работи.

Министерството предупреди дека германската амбасада во Техеран моментално може да обезбеди само ограничена конзулска помош на терен.