Македонски
Советот на Град Скопје ја усвои одлуката со која се воведува ноќна забрана за фрлање отпад во контејнерите. Во периодот од 22 до 6 часот, граѓаните нема да смеат да изнесуваат смет, а прекршителите ќе се соочат со казна од 50 евра.
Од градските власти велат дека мерката ќе ја зголеми ефикасноста во празнењето на контејнерите и ќе спречи создавање нови диви депонии, особено во деловите на градот каде отпадот често се натрупува околу корпите.
Претседателот на Советот, Даме Димитровски, посочи дека ваквата практика се применува и во големи светски метрополи.
Оваа практика ја имам видено во Истанбул, каде постои точно определено време кога може да се изнесе отпадот. Во Токио секој камион и тип на отпад има свој термин. Очекувам дека мерката ќе биде уште поефикасна кога ќе воведеме и различни корпи за селекција“, изјави Димитровски.
Градот најавува дека селективните корпи се следната фаза од реформите во управувањето со отпадот.
