Македонски
Јавното сообраќајно претпријатие (ЈСП) „Скопје“ ги демантира објавите во дел од медиумите за инцидент на жичарницата на Водно во кој наводно биле спасени тригодишно дете и три возрасни лица.
Во соопштението, ЈСП „Скопје“ наведува дека на ден не е евидентиран таков настан ниту, пак, настан од сличен карактер.
Категорично укажуваме дека содржината е објавена без соодветна проверка и ги доведува граѓаните во заблуда. Начинот на кој е претставен настанот создава погрешна слика за актуелната состојба и непотребно предизвикува паника и несигурност кај јавноста“, се вели во соопштението.
Од ЈСП „Скопје“ сметаат дека ваквото пласирање непроверени информации, без јасен контекст и утврдени факти, претставува несериозен и неодговорен пристап.
Претпријатието очекува од медиумите професионално и точно информирање, наместо сензационализам и објавување содржини што ја нарушуваат довербата кај граѓаните.
Денеска дел од медиумите пренесоа дека четири лица, меѓу кои едно дете и еден германски државјанин, се спасени од планината Водно откако останале заглавени поради лошите временски услови и прекинот на електричната енергија на жичарницата.
