
Уредникот Драган Павловиќ – Латас со негови зборови објаснува „што бара Синдикатот, што е различно од порано и што е невозможно?“.
Бара владата од буџет да плати покачување на сите плати во државата за околу 700.000 вработени по сто евра за секого.
За околу 30.000 вработени на минималец од буџет по 150 евра секому.
Ако не можеле фирмите, нека плати владата, бара Синдикатот.
Прво, ниту една држава во Европа и пошироко не доплаќа плата за вработени во приватни фирми.
Второ тоа би било скоро милијарда евра годишно за доплата на плати од буџет кој вкупно е 5,5 милијарди евра.
Значи, да се плати желбата на синдикатот и да ги затвориме сите институции од школи до полиција, од болници до патишта… значи – фајронт!
Кога СДСМ и ДУИ ќе останат без идеи и без паметни луѓе а избори се ближат нивните ‘синдикати’ и ‘невладини’ ја преземаат работата со бајлак муабети и шарени планови какви никој досега ни видел ни слушнал, освен во Македонија.
Ако веќе насилно го менуваа уставното име со ваков ум добро е што СДСМ и ДУИ не ја прекрстија Македонија во ‘Дизниленд’, пишува Латас.