Дамева: Оставка се поднесува само ако постојат оправдани причини, ќе ја анализирам содржината на интерпелацијата

Поранешната претседателка на Судскиот совет, Весна Дамева вчера ја добила интерпелацијата, но за да изгради став вели дека треба да ја анализира содржината.

„Интерпелациата која е поднесена во Собранието ја добив доцна во текот на вчерашниот ден и во фаза сум на анализирање на причините и генерално на нејзината содржина. Во моментот кога ќе го изградам мојот став, сигурно и на јавноста ќе и биде соопштен. Јавноста нема да остане без мое произнесување“, рече Дамова.

Во однос на очекувањето на премиерот Христијан Мицкоски, членовите на Судскиот совет да бидат доблесни и сами да поднесат оставки доколку Собранието изгласа интерпелација, Дамева денес немаше конкретен одгвор.

„Оставката е личен чин и се поднесува оставка само во случај ако постојат оправдани причини за истото“, вели Дамева.

Претседателот на Собранието, Африм Гаши официјално ги извести членовите на Судскиот совет Весна Дамева, Тања Чачарова-Илиевска, Милазим Мустафа, Павлина Црвенковска и Селим Адеми дека е побарана интерпелација за нив. Петтемина за членови на Судскиот совет беа избрани во Собранието.