НУБ „Св. Климент Охридски“ и Институтот за македонски јазик со заедничка заложба зачувување и промоција на македонскиот јазик и пишаниот збор

НУБ Св. Климент Охридски

Денес во просториите на НУБ се одржа работна средба меѓу директорката на Институтот за македонски јазик „Крсте Мисирков“ – Скопје, Елена Јованова Грујовска и директорот на Националната и универзитетска библиотека „Св. Климент Охридски“ – Скопје, Јовица Никчевски.

Во рамките на средбата беше потпишан Меморандум за соработка со цел продлабочување на меѓусебната соработка и разбирање како и реализација на заеднички проекти.

На средбата беа присутни и вработени од институциите кои непосредно ќе бидат вклучени во идната соработка и проекти.

Потврдени се заедничките заложби на двете институции за зачувување и промоција на македонскиот јазик и пишаниот збор.