Изложба на ретки и старопечатени книги во НУБ „Св. Климент Охридски“

Фејсбук профил на НУБ „Св. Климент Охридски“ Скопје

По повод 80 години од кодификацијата на македонскиот стандарден јазик, во холот на Националната и универзитетска библиотека „Св. Климент Охридски“ – Скопје е поставена изложба на избран фонд од Библиотеката.

Изложениот фонд датира од 1875 година до денес.

Ова е ретка можност да разгледате ексклузивна изложба во која е претставен дел од збирката Ретки и старопечатени книги, збирката Ретки сериски публикации, збирката Архивски примерок и дел од општиот фонд при Националната библиотека на Македонија.

Изложени се оригиналите: „За македонцките работи“, Тријазичникот, „Сердарот“, „Бели мугри“, првиот Буквар со читанка, првата Граматика…

Изложбата може да се види најдоцна до 16 мај во работното време на Библиотеката, а влезот е слободен.