Експлозивна направа пронајдена во Охридското Езеро кај Пештани

Експлозивна направа била пронајдена во водите на Охридското Езеро, во близина на хотел во Пештани.

Од Министерството за внатрешни работи информираат дека вчера, 10 август, во 18:10 часот, во Регионалниот центар за гранични работи „Запад – Охрид“, А.С. од Охрид пријавил дека во езерото била пронајдена бомба.

За настанот била известена Дирекцијата за заштита и спасување, чии екипи треба да преземат активности за безбедно подигнување и отстранување на експлозивната направа.