Македонски
Имаме развиено готови проекти, нешто што претходните влади го немале. Работиме на нови инвестиции во инфраструктурата, туризмот здравството и енергетиката. Силниот инвестициски циклус е опфатен во три компоненти, објасни вицепремиерот и министер за транспорт Александар Николоски во вечерашната емисија “360 степени”.
Имаме силен инвестициски циклус кој доаѓа во рамки на буџетот. Тоа се проектите на коридор 8 и 10 д што ги работиме со Бехтел и Енка. Тука се проектите во Железница каде пуштивме една фаза, втората ја работиме и ако се договориме со Бугарија ќе ја работиме и третата фаза. Тука е автопатот Кичево- Охрид каде што очекувам крај на јуни, почетокот на јули да ги пуштиме првите 40 км, а в година да го завршиме и тоа е едниот дел. Вториот дел е дека работиме на еден инвестициски циклус од 500 милиони евра до една милијарда евра кои што ќе одат директно во патишта преку комбинирано финансирање. И третиот дел е она што се случи во Обединетите Арапски Емирати и не е тајна дека посетата беше главно заради претставување на можностите за инвестиции и привлекување на финансиски средства. Тука има и еден политички момент со визното ослободување. Но економијата беше основната цел и јавноста треба да е свесна дека со војната во Украина и трговската војна меѓу ЕУ и САД, европските пари стануваат скапи. Не е исто со каква каматна стапка ќе ги добиете кредитите и дали е таа фиксна или променлива, истакна вицепремиерот Николоски.
Во однос на посeтата на Обединетото Кралство, тој потенцираше дека постета била политичка, но дека не се исклучува можноста да се потпишат договори за стратешко партнерство.
Тоа што во моментов на Македoнијa е важно е да обезбеди финансирање кое буџетот ќе може да го издржи, ќе значи раст на БДП и нема да ги оптерети идните генерации и тоа е тоа што го работиме. Дали Обединетите Арапски Емирати имаат подобри услови за финанисирање од поголем број на европски држави, би рекол да, рече вицепремиерот Николоски.
Тој потенцира дека е економските политики се во целосна корелација со министерката за финансии.
