Протест во Тирана: Судир меѓу полицијата и демонстрантите пред зградата на Владата

Судири меѓу албанската полиција и демонстрантите избувнаа вечерва пред зградата на Владата на Албанија во Тирана, на протестот што го свика основачот и лидерот на политичкото движење „Албанија станува“, Адриатик Лапај.

Поддржувачите фрлаа брашно пред канцеларијата на албанскиот премиер Еди Рама, како и кон полицијата, наведувајќи дека тоа е симбол на „заробена држава“ и „влада заробена во дрога“, објави албанската телевизија А2.