Додик прогласен за виновен, Лукиќ ослободен од обвиненијата

Претседателот на Република Српска, Милорад Додик е прогласен за виновен пред Судот на БиХ по обвинението за „непочитување на одлуките“ на Кристијан Шмит, додека вршителот на должноста директор на „Службен весник“ на Република Српска, Милош Лукиќ е ослободен од одговорност.

Станува збор за првостепена пресуда која може да се обжали.

Во краткото обраќање до насобраниот народ пред зградата на Народното собрание на Република Српска, Додик потврди дека е осуден на една година затвор и ги повика граѓаните да бидат весели.

Тие велат дека сум виновен. Веселете се, нема причина за загриженост, рече Додик.