Ракометарките на Словенија триумфираа со 26-18 против Хрватска на стартот на втората фаза од Европското првенство (ЕП) за жени.

Словенија го отвори мечот со серија од 4-0, но Хрватките не се предаваа лесно и набрзо израмнија на 7-7. Меѓутоа, словенечките ракометарки на полувреме заминаа со еден гол предност (13-12).

Хрватска влезе во голема криза во второто полувреме и постигна само еден гол во првите 18 минути, а Словенија притоа создаде голема предност и славеше со 26-18.

Грос беше најдобра во репрезентацијата на Хрватска со седум голови, додека Блажевиќ постигна пет за Хрватска

The post Почна втората фаза од ЕП: Словенија ја згази Хрватска appeared first on Република.

На женското Европско првенство во ракомет синоќа се завршија натпреварите во А и Б групите по кои елиминирани се репрезентациите на Швајцарија и на Србија.

Во „балканското дерби“ Словенија ја победи Србија и си обезбеди настап во главната рунда, додека Данска беше поуспешна од Шведска во „скандинавското дерби“.

Резултати:
Хрватска – Швајцарија 26:26
Словенија – Србија 27:24
Данска – Шведска 25:23
Норвешка – Унгарија 32:22.

Табела А-група: Норвешка 6 бода, Хрватска 3, Унгарија 2, Швајцарија 1.

Табела Б-група: Шведска 4, Данска 4, Словенија 4, Србија 0

The post Крај на ЕП за Србија, Македонија, Швајцарија… appeared first on Република.

Македонската ракометна репрезентација вечер од 18 часот ќе се соочи со Холандија во второто коло на Европското првенство 2022. Селекторот Љубомир Савевски очекува подобро издание од првиот натпревар со Франција, но е свесен за квалитетите на противничките селекции на овој еврошампионат.

– Оптимист сум дека ќе одиграме подобро. Сепак треба да потенцираме дека нашата репрезентација е многу млада и им треба искуство на ракометарките. Токму вакви натпревари им фалат на девојките. Ова Европско првенство е посилно од Светско. Сите репрезентации се многу силни. Наша цел е да покажеме дека имаме надеж да го промениме тоа што се случуваше во последните десет години. Се надевам дека ако продолжиме со работа и да имаме повеќе вакви натпревари ќе напредуваме. Холандија е силна репрезентација која игра многу брзо во транзиција. Ние сме дефицитарни на шутерските позиции. Сепак ќе се обидеме, ќе дадеме максимум и ако може да изненадиме.

Натпреварот ќе се игра во СЦ „Борис Трајковски“ во Скопје.

Во терминот од 20:30 часот во Ц-групата ќе играат Франција и Романија

The post Денеска македонските ракометарки ќе играат со силната Холандија appeared first on Република.

Во Спортскиот центар „Борис Трајковски“ во Скопје се прават завршните подготовки пред почетокот на Европското првенство за ракометарки.

Се внимава на сите детали за ракометарките, службените лица, новинарските екипи, публиката и другите инволвирани да имаат идеални услови за време на престојот во салата.

Во македонската престолнина ќе се играат натпреварите од Ц-групата во која покрај македонската репрезентација се и селекциите на Франција, Романија и Холандија.

Покрај Скопје, домаќини на ЕХФ Еуро 2022 се и Подгорица (Црна Гора), Љубљана и Целје (Словенија).

Женскиот континентален ракометен собир почнува утре (4 ноември) и ќе трае до 20 ноември

The post „Борис Трајковски“ нашминкан пред стартот на ЕП во ракомет appeared first on Република.

Данска со пресврт во второто полувреме ја совлада Франција во натпреварот за бронзениот медал на ЕУРО 2022 и покрај тоа што настапи без неколкумина првотимци меѓу кои беше и Хансен.

Победникот беше решен во продолжението откако по 60 минути ракомет беше 29:29 а Данска во второто полувреме три пати се враќаше од негатива.

Најефикасен за победикот беше Холм со 10 голови, за Франција се издвои Махе со 8 голови.

Финалето меѓу Шпанија и Шведска ќе започне од 18:15 наместо во предвидениот термин од 18 часот.

The post Данска ја совлада Франција и ја освои бронзата на ракометното ЕП appeared first on Република.

Репрезентациите на Шпанија и Шведска ќе играат во утрешното финале на Европското ракометно првенство, кое на поуспешниот тим ќе му донесе историски успех.

Актуелниот европски првак Шпанија со триумф ќе стане само втората ракометна нација по Шведска која освоила три последователни европски титули, додека шведските ракометари со победа ќе го зацементираат своето место во историјата како рекордни шампиони, 20 години по последниот златен медал освоен на европските првенства.

Шведска избори финале откако вчеравечер во драматична завршница беше поуспешна од актуелниот олимписки првак Франција (34-33), додека Шпанија избори финале за одбрана на титулата совладувајќи го актуелниот светски првак Данска ((29-25).

Финалето се игра утре во Будимпешта од 18 часот.

The post Шпанија и Шведска за ракометна историја во утрешното финале appeared first on Република.

Најдобрите македонски ракометни судии, Ѓорѓи Начевски и Славе Николов ќе бидат дел и од завршниот викенд од ракометното Европско првенство (ЕП) 2022. За разлика од последното ЕП на кое одлично го судеа финалето меѓу Шпанија и Хрватска, македонските арбитри овојпат ќе бидат задолжени за полуфинална пресметка, и тоа онаа првата што ќе биде на утрешната програма со почеток во 18 часот, а во која силите ќе ги одмерат Шпанија и Данска.

Ова ќе биде и последен меч за Начевски и Николов на овој шампионат, со оглед на фактот дека се делегирани судиите до крајот на ЕП 2022.

The post Начевски и Николов ќе судат полуфинале на ракометното ЕП 2022 appeared first on Република.

Вечерва ракометната селекција на Норвешка го одиграа можеби најдобриот натпревар на Европското првенство и со победата над Шпанија од 23-27 значително ги зголемија шансите за пласман во полуфиналето.

Исто така, ова беше прв пораз на Шпанија на еден континентален собир по цели 17 натпревари.

Бартхолд со шест и Тофт, Гулеруд и Реинкинд со по четири гола беа најпрецизни во таборот на Норвешка, додека за Шпанија се истакна Македа со шест, а еден помалку имаше Гомез.

The post Норвешка ја запре Шпанија – ракометна лекција за европскиот шампион appeared first on Република.

Шведска ја победи Германија со 25-21, триумф со кој ги елиминираа своите противници, но и Русија од борбата за полуфиналето на Европското првенство во Унгарија и Словачка.

Хампус Ване пак блесна со шест гола беше најефикасен за „трите круни“, додека Јулијан Коштер беше најдобар за Германците со четири постигнати голови.

Шведска сега има шест поени во групата, со што се зад Шпанија, и само тие две репрезентации заедно со Норвешка остануваат со шанси за полуфинале од групата 2.

The post Шведска подобра од Германија appeared first on Република.

Најдобрата македонска репрезентација го заврши Европското првенство со три порази, во групата „А“ во унгарскиот град Дебрецин загуби од Словенија, Црна Гора и Данска. За првпат во нашата историја го завршуваме учеството на континенталните собири со три максимални порази и го освојува 22 место, зад нас се само селекциите на Босна и Херцеговина и Украина.

Ова е најслаб пласман на Македонија доколку се земе предвид фактот дека ова е второ Европско првенство по ред на кое учествуваат 24 селекции. Потсетување дека на нашето прво ЕП бевме последнопласирани на 12 позиција, но тогаш учествуваа само 12 репрезентации.

Во 2012 година го имавме најдобриот пласман, петто место, во 2014 година завршивме на 10 позиција, во 2016 и 2018 година го освојувавме 11 место, а пред две години дојдовме до 15 позиција.

Конечен пласман на ЕП 2022 од 13 до 24 место:

13. Чешка
14. Србија
15. Унгарија
16. Австрија
17. Словенија
18. Словачка
19. Португалија
20. Белорусија
21. Литванија
22. Македонија
23. Босна и Херцеговина
24. Украина

The post Македонија го освои 22 место на Европското првенство appeared first on Република.

Филип Миркуловски кој беше капитен на македонскиот ракометен национален тим на средбата со Црна Гора, изјави дека жали што нашата селекција не одигра со срце.

Разорачани сме многу, треба на терен да се покаже дека сме подобри. Фаворитите не победуваат секогаш, со стоење и одење не се победува. Има нешто што се вика срце и душа, ние тоа го немавме. Да изгубевме во борба, немаше да ми биде толку криво, изјави Миркуловски.

The post Миркуловски: Одигравме беѕ срце и душа appeared first on Република.

Хрватската ракометна репрезентација е победник во балканското дерби со Србија и со тоа остана во игра за втората фаза на Европското првенство кое е во тек.

Хрватите ја победија Србија вечерва со 23-20, а за пласман понатаму ќе треба Франција да си ја заврши работата против Србите, откако „триколорите“ без мака дојдоа до втора победа против Украина со 13 гола разлика.

Предводени од екс-вардарецот Чупиќ и извонредниот Луцин, кој погодуваше кога беше најдобро, а надополнети и од Мартиновиќ, Хрватска дојде до победата во која во тек на цел меч имаше контрола на мечот, а Србија немаше сила да се врати после втората серија во која „каубоите“ дојдоа до најголемите плус пет.

Чупиќ и Мартиновиќ дадоа по шест гола, а Луцин додаде пет, додека кај Србија, Радивојевиќ погоди пет, а Кукиќ додаде четири гола.

The post Хрватска победник во балканското дерби со Србија appeared first on Република.

Срам ми е да излезам на терен против Данска пред овие наши навивачи. Тие заслужуваат многу повеќе во однос на тоа што го покажавме. Навистина немам коментар, не знам што да кажам, изјави средниот бек Филип Кузмановски по поразот вечерва од Црна Гора (24-28) со што завршува настапот за Македонија на ова ЕП.

Според него, вината е исклучиво кај ракометарите, а Црна Гора денеска им покажала како треба да се борат.

И вчера реков дека самите сме криви и дека треба да ги поправиме тие технички грешки, а денеска направивме уште повеќе грешки. Не знам кај е проблемот. Сите зборуваат за некоја нова Макеоднија, да смениме нешто, да не бидеме само пензионерска, да трчаме... Ама ние трчаме како без глава. Црна Гора ни покажа како се бори, ние не се боревме и заслужено нѐ победија, додаде Кузмановски.

The post Кузмановски: Срам ми е да излезам против Данска пред навивачите! appeared first on Република.

Голманот Никола Митревски беше најдобриот поединец во македонскиот репрезентативен тим во денешниот пораз од Црна Гора. Но, неговите одбрани беа искористени во нападот.

Од моментот кога влезе во игра на крајот на второто полувреме покажа дека ќе биде на препознатливото ниво.

Одигравме многу под тоа што се подготвуваме за Црна Гора. Во овој натпревар не ги достигнавме нашите можности. Но, секој натпревар е можност да учите. И честитам на Црна Гора, беа повеќе мотивирани и агресивни и ги искористија нашите грешки.

Митревски верува во работата на овој стручен штаб.

Верувам во работата на овој стручен штаб, мислам дека работиме добро. Денес сите грешевме. Натпреварот не го изгуби некој поединец, го изгубивме сите.

The post Митревски: Поразот е на целата екипа appeared first on Република.

Македонската мaшка ракометна репрезентација не успеа да дојде до посакуваниот триумф на Европското првенство кое е во тек. Црна Гора беше селекција против која се надевавме на два големи бода после онаа игра против Словенија. Македонија загуби од Црна Гора со 24-28 и практично ги загуби сите шанси за пласман во втората фаза на шампионатот.

Филип Талески по мечот со еден збор ја опиша нашата игра.

СРАМНО!… Ништо друго не сакам да кажам!

Македонија последниот меч од групната фаза го игра во понеделник, против Данска.

The post Талески по поразот од Црна Гора: Срамно! appeared first on Република.

Десеткуваната македонска репрезентација предводена од Кирил Лазаров остана без шанси за пласман во следната фаза на Европското првенство (ЕП) откако загуби од Црна Гора (24-28) во рамки на второто коло на шампионатот на стариот континент.  Црна Гора ја забележа првата победа во меѓусебните пресметки на европските првенства, или првата на последните девет меѓусебни натпревари. Исто така ова е втора победа за Црна Гора во историјата на европските првенства.

Лошиот старт, играта „падни-стани“ и многуте грешки се покажаа кобни за македонскиот состав.

Дуелот во „Феникс Арена“, каде македонските навивачи беа побројни на трибините и приредија одлична атмосфера, започна со серија грешки на нашите ракометари во фазата на напад и пет гола на Црногорците за само пет минути (1-5).

Ѓоргиев, како и на натпреварот против Словенија, беше во стартниот состав на Лазаров, но повторно не се снајде најдобро, а на десната бековска позиција предност доби Серафимов место Велковски и одигра одлично во воведниот дел и ги постигна првите два гола за нашата селекција.

Поради честите технички грешки во нападот, на местото на Ѓоргиев Лазаров го внесе Филип Кузмановски, но ниту тоа не донесе резултат. Добрата игра на Црногорците и голот на Анѓелиќ во 15. минута ги одлепи со пет гола разлика.

Лазаров го искористи своето право на прв тајм-аут и направи нови промени во составот, па искусниот Миркуловски и Кузмановски со четири гола за само неколку минути ја вратија неизвесноста на натпреварот (7-10).

Во последните десет минути од полувремето се влезе со позитива на Црногорците од три гола (9-12), но Мартин Велковски и Цветан Кузманоски со своите први погодоци намалија на само еден негатива. До крајот на полувремето Црна Гора ја задржа контролата на паркетот и на одмор замина со еден гол позитива. На стартот на вториот дел Македонија преку Цветан Кузманоски изедначи за првпат (17-17). Во следниот период мечот беше игра на нерви. Во неколку наврати Македонија можеше и да го преземе водството, но следеа многу грешки. Грешеа и Црногорците, затоа паднаа мал број на голови.

Во 40. минута од мечот Црна Гора преку разиграните Вујовиќ влезе во серија од три гола и се врати на „плус три“ (18-21). Црната низа на нашиот национален тим ја прекина одличниот Мартин Велковски со шестиот гол на мечот од шестиот обид (19-21), па следеше добра одбрана, но Кузманоски не погоди за ново враќање во мечот. Тоа го казни Шеваљевиќ (19-22), додека потоа Македонија имаше одлична можност повторно да се доближи до противникот откако Црногорците добија две исклучувања, арно ама не се успеа во тоа благодарение на расположениот голман Небојша Симиќ кој царуваше меѓу стативите. Мора да се напомене и добриот учинок на Никола Митревски, но грешките во нападот го направија своето.

Најдобар стрелец кај Македонија беше Мартин Велковски со шест гола од седум обида, пред Цветан Кузманоски со пет гола, додека Филип Кузмановски и Мартин Серафимов стрелаа по три пати. Кај Црногорците, Милош Вујовиќ и Божо Анѓелиќ имаа по шест реализации.

Последниот натпревар на ЕП 2022, Македонија го игра на 17 јануари. Противник ќе биде селекцијата на Данска, која важи за главен фаворит за златото и воедно беше ривал на нашиот национален тим во квалификациите за овој голем ракометен настан.

извор: gol.mk

The post Со два пораза Македонија се простува од ЕП appeared first on Република.

Репрезентацијата на Македонија денеска го игра вториот натпревар на Европското првенство и ќе има дуел против Црна Гора на кој ќе се обиде да дојде до првата победа. Ова е првиот дуел од 2. коло од Групата А која се игра во Дебрецин, а во вториот термин играат Словенија-Данска.

Двете селекции на првите дуели претрпеа порази, па затоа денеска ќе се обидат да се изборат за бодови.

Натпреварот ќе можете да го следите на Македонската телевизија на првиот и на третиот канал, а можете и на некој од следните линкови

ЛИНК 1

ЛИНК 2

The post ВО ЖИВО: Натпреварот Македонија – Црна Гора appeared first on Република.

Репрезентацијата на Црна Гора е вториот противник на Македонија на Европското првенство, средба за која селекторот Кирил Лазаров направи две измени во составот во однос на пресметката со Словенија.

Со оглед на тоа што кружниот напаѓач Стојанче Стоилов доби позитивен тест на КОВИД, тој беше „избришан“ и на негово место доаѓа Кристијан Симоноски кој настапува за Алкалоид.

Втората промена е на голманската позиција каде Никола Митревски по добиеното зелено светло се враќа во составот, додека Градимир Чаневски ќе се пресели на трибините.

The post Лазаров направи две измени во составот за пресметката со Црна Гора appeared first on Република.

Денеска македонската ракометна репрезентација на ЕП ќе игра без Стојанче Стоилов, кој на последното тестирање доби позитивен тест на Ковид-19.

„Се надеваме Столе како еден од лидерите ќе биде во можност да се врати во составот за скоро време“, велат од Ракометната федеранција на Македонија.

Македонија вечерва игра против Црна Гора

The post Стојанче Стоилов позитивен на Ковид-19 appeared first on Република.

Првиот голман на македонската машка ракометна репрезентација Никола Митревски денеска се приклучи на националниот тим во Дебрецен, каде што е во тек Европското првенство 2022. Митревски беше дочекан со овации од соиграчите.

Митревски не замина со репрезентацијата на континенталното првенство бидејќи последниот ковид-тест пред тргнувањето му беше позитивен.

Откако вчера имаше негативен тест во Скопје, тој тргна на пат кон унгарскиот град, а денеска веќе му се стави на располагање на селекторот Кире Лазаров.

The post Голманот Никола Митревски им се приклучи на ракометарите, дочекан со овации appeared first on Република.