Македонски
Слушачка промоција на новиот албум „Јоруклук“ на Елена Христова од „Баклава“ ќе се одржи на 1 јули во 20.30 часот во бифето „Тафталиџе“. Пред публиката таа ќе ја раскаже приказната за создавањето на овој албум,а присутните ќе може да си купат цеде или плоча од албумот.
Елена Христова е пејачка, музичарка, композиторка. Позната по бендот „Баклава“ и по проектите „Биоскопија“, „Бистри води“, „Бекјард џез оркестар“ и соработките со бројни музичари од целиот свет. Освен во Скопско, таа живее и работи во Истанбул и со години беше пејачка на бендот „Баба Зула“. Своите истражувања за традицијата и традиционалната музика ги преточила во музика и документарци.
