Македонски
Oд 1 декември е отворен конкурсот за осмото издание на „Филмај“ фестивал на кратoк филм, организиран од фото-кино клубот “Козјак” – Куманово. Конкурсот ќе биде отворен до 8 март 2026 година.
Преку платформите FilmFreeway и festhome може да се пријавуваат кратки играни филмови во траење до 20 минути и завршени по 1 јануари 2024 година.
Од Фестивалот информираат дека може да се конкурира за наградата „Лазар Ѓорѓевиќ” за најдобра режија, наградата „Радислав Ристевски” за најдобра фотографија/кинематографија, наградата „Koзјак” за најдобрo сценарио и наградата „Филмај” за најдобар краток филм.
Македонските (домашни) филмови кои конкурираат за наградата за најдобар македонски филм, истовремено влегуваат и во меѓународната конкуренција за горенаведените награди.
Подетални информации, заинтересираните можат да најдат на Фејсбук-страната, каде што редовно ќе бидат објавувани тековните новости и информации во врска со придружните настани и главните вечери на ФИЛМАЈ 2026 фестивалот.
