Македонски
Како вовед во 55-то издание на републичкиот фестивал „Илинденски денови“, во Битола се одржува четвртото издание на Интернационалниот етнографски филмски фестивал, кој прерасна во значајна платформа за филмови што ги истражуваат животите, традициите и културите од целиот свет.
ИЕФФ – „Илинденски денови“ е културeн настан посветен на прикажување филмови што ги истражуваат културите, општествата и начинот на живот на луѓето ширум светот. Овие филмови, честопати режирани од антрополози или специјализирани филмски работници, имаат за цел да ги документираат и подобро да ги разберат практиките , традициите, верувањата и средините на проучуваните заедници. Фестивалот на тој начин обезбедува платформа за споделување на овие визуелни наративи, поттикнување на меѓукултурниот дијалог и подигање на јавната свест за човековата различност.
Од речиси 2000 пристигнати филмови од сите континенти, селекцијата нуди авторски дела што отвораат прашања, предизвикуваат емоции и ги носат гледачите во срцето на различни заедници. Селектор на ИЕФФ „Илинденски денови“ е Тони Гламчевски.
Повеќе за програмата на https://www.facebook.com/ilindenskidenovi
