Македонски
Американскиот претседател Доналд Трамп ѝ ја понуди својата поддршка на француската крајно десничарска лидерка Марин Ле Пен, откако судот во Париз ја осуди неа и дваесетина луѓе од нејзината партија Национален собир (RN) за пренасочување односно проневера на средства од Европската унија.
Судијата ѝ забрани извршување јавни должности на Ле Пен пет години со што е оневозможена да се кандидира на избори и што ќе ја спречи да учествува во претседателската трка во 2027 година за кои сега е водечка во анкетите, освен ако пред тоа не поднесе жалба на пресудата.
Судијата сега е под полициска заштита откако добил смртни закани, изјави извор за Reuters во средата.
Ле Пен, партиските сојузници и поддржувачи го обвинија судот за попречување на демократијата и политички мотиво..
Францускиот премиер Франсоа Бејру во вторникот пред пратениците изјави дека „безусловно го поддржува“ судството.
Во објавата на Truth Social доцна во четвртокот, Трамп го нарече случајот против Ле Пен „лов на вештерки“ и го ја пофали лидерката на крајната десница.
Таа претрпе загуби, но продолжи, а сега, непосредно пред нешто што би било голема победа, ја фаќаат со помал прекршок за кој веројатно и не знаела. Мене тоа ми звучи како книговодствена грешка, напиша Трамп во објавата.
Пресудата на францускиот суд претставува пречка за 56-годишната Ле Пен. До нејзиното осудување, таа беше фаворит во анкетите пред претседателските избори во 2027 година.
Трамп затоа ја спореди ситуацијата на Ле Пен со неговата.
Трамп е осуден за фалсификување деловни документи за да ѝ исплати на порно ѕвезда во замена за нејзиното молчење за нивната сексуална врска уште пред да ја најави својата претседателска кандидатура во 2016 година, за обид да ги поништи резултатите од претседателските избори во 2020 година и за задржување доверливи документи по завршувањето на неговиот прв мандат. Тој беше прогласен за виновен во случајот за фалсификување деловни книги. Во сите случаи, кои ги нарече политички мотивирани, ја негираше вината.
Федералните обвиненија против него беа отфрлени откако тој победи на изборите во 2024 година.
Сево ова е многу лошо за Франција, додаде Трамп во својата објава.
