
Кашлицата обично се поврзува со настинка, респираторна инфекција или алергии, но ретко кој помислува дека зад неа може да се крие многу посериозен проблем. Професорот д-р Драган Симиќ, почитуван кардиолог oд Србија, во емисијата „Ново утро“ предупреди дека овој навидум безопасен симптом може да биде сигнал за срцева слабост.
Сува кашлица навечер – кога треба да се загрижите?
Кашлицата обично ја поврзуваме со кивање, респираторна инфекција или ковид, меѓутоа, кашлицата може да биде индикатор за кардиоваскуларни заболувања и е еден од честите симптоми на срцева слабост, вели проф. д-р Симиќ.
Како индикатор за срцева слабост, најчесто се манифестира додека лежите.
Тогаш срцето не работи на оптимално ниво, а првиот знак дека нешто не е во ред е сува кашлица, која го буди пациентот и го тера да се исправи и да седне, објаснува докторот.
Како што објаснува, овој симптом е предизвикан од застој во белите дробови и неможноста на срцето да ја исфрли целата крв од белите дробови, што доведува до зголемен притисок во белите дробови.
Кашлицата е знак за влошување на болеста и симптом што треба веднаш да го однесе секој пациент на лекар, нагласува д-р Симиќ.