По „пролет“ во средината на декември, кон крај на месецот пристигнува снег и зима

Температури за околу па и за повеќе од 10 степени повисоки од просечните за месец декември следната седмица ќе го зафатат целиот Балкан вклучувајќи ја и Македонија и ќе донесат високи температури на воздухот кои ќе бидат пролетно високи, најавува Славчо Попоски.

Во делови од Балканот и во Македонија температурите ќе се искачат дури и до 20 степени а можно е тие да надминат и 20 степени. Врнежи не се очекуваат следната седмица што значи дека ќе имаме многу посуво и стабилно време, тврди Попоски.

Следната седмица целиот Балкан и Македонија ќе бидат под влијание на висок воздушен притисок и на топла воздушна маса од југ (Антициклон) и токму ова ќе услови да ги имаме овие невообичаено високи температури на воздухот за месец декември. Сепак во ваква ситуација по котлините ќе се создаваат услови за појава на магла и на ниска облачност која во дел од котлините ќе се задржи и во текот на целиот ден па во овие котлини и температурите преку денот ќе останат пониски.

Невообичаено топло за месец декември ќе биде во најголем дел од Европскиот Континент и без врнежи.

Според Попоски снежни врнежи и вистинска зима не треба да се очекува до 20 декември.Тогаш може да настапи вистинска зима.