Македонски
Среќата не смее да се одложува, е правило на многу животни тренери. Ние навистина можеме да најдеме среќа во секој момент од нашиот живот. Дури и кога сè изгледа мрачно, постојат околности и работи за кои можеме да бидеме благодарни. Сепак, постојат и одредени периоди во животот кога се чувствуваме најсреќни, имаме најмногу енергија и сме најпозитивни.
Британските научници направиле истражување и пресметале на која возраст жената е најсреќна.
Многумина мислат дека се во раните дваесетти, но тим социолози открил дека жените се чувствуваат најсреќни на возраст од 28 до 33 години.
На оваа возраст сè уште сме млади и полни со сила, позрели сме отколку во раната младост и почнуваме јасно да откриваме што навистина сакаме од животот.
Студијата ја организирала компанија за козметика за коса. Во истражувањето учествувале 4.000 жени на возраст од 25 до 65 години.
Дамите требало да одговорат на прашањето: Кога се чувствувавте најсреќно и најсигурно во животот?
Прашањето се однесувало на 12 сфери на животот. Меѓу нив спаѓаат работата, богатството, односите со мажите, односите со пријателите, изгледот…
Еден од истражувачите ја издвои 28-та година како најсреќна возраст за една жена, бидејќи во тој момент таа е задоволна со своето тело и станува посигурна во себе. Оваа информација можеби е интересна, но не смее да не’ ограничува, бидејќи среќата зависи од многу фактори и нема врска со годините.
Таа е во нас, на секоја возраст, само треба да ја активираме и да станеме свесни дека и покрај нашиот изглед, возраст, материјален или емоционален статус, секогаш заслужуваме среќа, сега и овде.
Извор: Убавина и здравје
