Македонски
Ако барате лесно, здраво и неверојатно вкусно јадење – плескавиците од тиквици се вистинскиот избор!
Овој едноставен рецепт ќе ве воодушеви со својата брза подготовка и богатство од вкусови. Може да послужи како главно јадење или како совршен прилог со пире од компир, свежа салата или сос по ваш вкус.
Состојки:
2 јајца
2 лажици лебни ронки
4 лажици гриз
1/2 прашок за печиво
малку масло
сол и мелен бибер по вкус
1 лажица лук во гранули
малку слатка пиперка
Приготвување:
Изрендајте ги тиквиците, посолете ги и оставете ги да пуштат вода околу 10 минути. Потоа добро исцедете ги.
Во исцедените тиквици додајте лебни ронки, гриз, лук во гранули, прашок за печиво, слатка пиперка и мелен бибер.
На крај додајте ги јајцата и соединете сè во компактна смеса.
Со лажица земајте од смесата, обликувајте плескавици и пржете ги во масло додека добијат златна боја.
Извадете ги со решеткаста лажица и ставете ги на хартија за да се впие вишокот мрснотија.
Хрскави однадвор, меки и сочни однатре – овие плескавици од тиквици ќе ги освојат и најголемите љубители на месо. Нема да поверувате колку се вкусни сè додека не ги пробате!
