Македонски
Со години сме сведоци на љубителите на кафе кои смислуваат нови начини за подобрување на неговиот вкус. Така, по додатоците како сол и путер, дојде време за кафе со крем сирење.
Кафето е суштински дел од утринската рутина за многу луѓе. Меѓутоа, ако веќе ви стана здодевно обичното црно кафе, време е да пробате нешто ново. Еден додаток може целосно да го промени вкусот на овој популарен пијалок, крем сирењето.
Можеби оваа комбинација ви звучи чудно, но оние кои ја пробале тврдат дека повеќе не можат да пијат кафе на класичен начин. Ви пренесуваме детали за овој уникатен начин кој веќе има многу фанови.
Кафе со крем сирење
Иако на прв поглед делува како необична комбинација, кафето со сирење изненадува со својата хармонија на вкусови. Оваа комбинација создава богат, полн вкус кој ја комбинира горчината на кафето со кремаста текстура на сирењето. Резултатот е интересен пијалок кој може да се ужива и како пијалок и како десерт.
Во гастрономска смисла, кафето со сирење се класифицира како иновативен пијалок, а особено е популарно во северноевропските земји, каде што е дел од локалната традиција.
Кое сирење да се користи за кафе?
Најдобар резултат се постигнува со користење на крем сирење. Неговата мазна текстура и благиот млечен вкус совршено го надополнуваат интензитетот на црното кафе. Кога крем сирењето се комбинира со топол пијалок, кафето добива поцелосна текстура и малку слатка нота.
Друга интересна опција е шведското сирење Kaffeost, кое е направено специјално за комбинирање со кафе. Ова сирење не се топи лесно, туку ја впива аромата на кафето и може да се јаде со лажица откако ќе се испие напитокот, како десерт.
Рецепт
Подготовката е едноставна и не бара посебни вештини:
Состојки:
свежо сварено кафе (опционално: еспресо, филтер или турско)
крем сирење (околу 1-2 лажички по чаша)
малку неутрален крем за готвење или слатка павлака со малку маснотии
Постапка:
Загрејте го кремот, но внимавајте да не зоврие. Додадете го крем сирењето и мешајте додека целосно да се растопи и соедини со павлаката. Во добиената кремаста смеса истурете свежо подготвено кафе. Засладете по желба, додадете малку цимет или ванила за дополнително уживање. Резултатот е кремасто, ароматично кафе кое истовремено загрева и изненадува.
