Македонски
САД го повикаа поранешниот унгарски премиер Виктор Орбан да се кандидира за функцијата генерален секретар на ОН, објави „Волстрит џурнал“, повикувајќи се на извори.
Весникот наведува дека администрацијата на американскиот претседател Доналд Трамп го охрабрила поранешниот унгарски лидер да влезе во трката за функцијата, а тој план чека конечна одлука. Русија и Кина се подготвени да ја поддржат идејата.
„Кога САД, Русија и Кина сакаат истото во Советот за безбедност на ОН, тие обично го добиваат“, додаде весникот.
Извори во Стејт департментот проценуваат дека Орбан би можел да добие поддршка од 10 од 15-те членки на Советот за безбедност на ОН.
Велика Британија и Франција генерално се претпазливи во користењето на своето право на вето, според „Волстрит џурнал“.
По шестото прелиминарно гласање за избор на генерален секретар на ОН, ниту еден кандидат не успеа да го избегне ветото на ниту една од петте постојани членки на Советот за безбедност – Русија, САД, Велика Британија, Франција и Кина.
Меѓу најверојатните кандидати е поранешната потпретседателка на Костарика и шефица на Конференцијата на ОН за трговија и развој, Ребека Гринспен, но двете постојани членки на Советот за безбедност кои имаат право на вето не ја поддржуваат нејзината кандидатура.
