
На Светското првенство (СП) во латино танци што се одржа во Варшава, Полска, од 11 до 13 април, танчерите на Dancers United освоија вкупно 19 медали од кои 6 златни, 8 сребрени и 5 бронзени.
Македонската репрезентација составена од 22 танчари блескаше на Светското првенство во латино танци, претставувајќи ја нашата земја со страст, енергија, извонреден талент и танц! На ова високо престижно натпреварување, танчарите на Dancers United освоија вкупно 19 медали ставајќи ја нашата земја високо на мапата на светскиот танцов спорт. Не постои поголема чест од тоа да се слушне македонската химна на светска сцена, како симбол на трудот, сонот и успесите на овие млади уметници, се вели во соопштението.

Посебно емотивен момент бил настапот на инклузивната група од студиото Dancers United, кои низ својот танц испратиле силна порака за еднаквост, поддршка и моќта на уметноста да ги надмине сите бариери. Со својата енергија, искреност и храброст, тие ги освиле симпатиите на публиката и учесниците од целиот свет.
Овој значаен успех е резултат на долгогодишна посветеност, истрајност и љубов кон танцот – вредности што ги споделуваат танчарите, нивните ментори и семејствата. Македонија има со што да се гордее – затоа што танцот зборува гласно, а овојпат зборуваше на јазикот на победата, солидарноста и љубовта. “ – изјави Сара Кочан која беше официјален судија, претставник на нашата Македонија.
Настапот на танчерите бил поддржан од Министерството за култура и туризам.

Ова се наградените:
Златен медал
- Dancers United Младинци – Choreographed Latin American style кореографија ,,1001 Nuits’’, Youth & Adults
- Нина Спасовска – Paso doble, Juniors 1
- Нина Спасовска – Choreographed Latin American style кореографија ,,The Godfather’’, Juniors I
- Ангела Николиќ – Choreographed Latin American style кореографија ,,Madonna’’, Juniors II
- Луна Дариа Кочан – Choreographed Latin American style кореографија ,,Eurovision’’, Mini Kids
- DS Crew – Inclusive Dance Show Mixed age кореографија ,,River’’
Сребрен медал - Евгенија Арсова – Paso doble , Youth & Adults
- Луна Дариа Кочан – Cha-cha-cha, Mini Kids
- Евгенија Арсова – Choreographed Latin American style кореогрфија ,,The Becoming!, Youth & Adults
- Луна Дариа Кочан – Jive, Mini Kids
- Луна Дариа Кочан – Rumba, Mini Kids
- Луна Дариа Кочан – Samba, Mini Kids
- Емили Нера Кочан – Choreographed Latin American style кореографија ,,Dua Lipa’’, Juveniles 1
- Dancers United – Choreographed Latin American style кореографија ,,Time Machine’’, Juveniles
Бронзен медал - Нина Спасовска – Rumba, Juniors 1
- Dancers United – Synchronised Latin American style кореографија ,,Pretty in Red’’, Juniors
- Ангела Николиќ & Михаела Филипова – Choreographed Latin American style кореографија ,,Broadway Stars’’ , Duos – any Youth & Adults
- Срна Трошановска – Choreographed Latin American style кореографија ,,Michael Jackson’’, Juveniles 1
- Нина Митревски – Choreographed Latin American style кореографија ,,Modern Cinderella Story’’ , Mini Kids