Турција се обидува да обезбеди сигурен премин за околу 200 цивили заробени во тунелите во Газа

Freepik

Турција се обидува да обезбеди сигурен премин за околу 200 цивили заробени во тунелите во Газа, откако овозможи враќање на посмртните останки на израелски војник кој загина пред повеќе од 10 години, изјави неименуван висок турски претставник.

Хамас претходно соопшти дека борците кои се позиционирани во областа Рафа, која е под израелска контрола, нема да се предадат и ги повика медијаторите да најдат решение за кризата, што би можело да го загрози едномесечното примирје.

Израел, од друга страна, потврди дека ги примил останките на Хадар Голин, војник кој беше убиен во заседа во Газа за време на војната во 2014 година.

Турција успешно посредуваше во враќањето на останките на Голин во Израел по 11 години, „по интензивни напори што ја покажуваат јасната посветеност на Хамас на прекин на огнот“.

Минатиот месец, Турција беше потписник на договорот за прекин на огнот меѓу Израел и Хамас, кој беше поддржан од американскиот претседател Доналд Трамп.