Македонски
Во Лондон денеска почна нова рунда трговски преговори помеѓу САД и Кина. Преговорите, што се одржуваат во најголема тајност, имаат за цел да се продолжи кревкото трговско примирје.
Вашингтон и Пекинг утрово одбија да откријат каде се одржува втората рунда преговори.
Американската делегација ја сочинуваат министерот за финансии и за трговија, Скот Бесент и Хауард Лутинк и претставникот на Белата куќа за трговија Џекмисон Грир. Додека кинеската делегација ја предводи кинескиот вицепремиер Хе Лифенг.
Разговорите во Лондон се одржуваат по минатонеделното зголемување на тензиите, откако американскиот претседател Доналд Трамп го обвини Пекинг дека не ги почитува условите од договорот за деескалација потпишан во Женева.
САД, минатиот месец во Женева, по два дена преговори прифати да ги намали царините за кинеските производи од 145 проценти на 30 во замена за слична постапка од страна на Пекинг, која ја намали царината за американските производи од 125 проценти на 10 проценти, за период од 90 дена.
