Македонски
Руската војска денеска соопшти дека Украина започнала „контраофанзива“ во рускиот регион Курск, каде украинските сили веќе контролираат неколку стотици квадратни километри од августовската офанзива во 2024 година.
Околу 9 часот по локално време, непријателот започна контраофанзива со цел да го запре напредокот на руските сили во областа Курск, се наведува во соопштението на руската армија.
Руските сили тврдат дека украинска јуришна единица била поразена од руската артилерија и авијација.
Операцијата за уништување на украинските единици продолжува, се додава во соопштението.
Шефот на кабинетот на украинскиот претседател, Андриј Јермак, не ја потврди директно информацијата, но на Телеграм напиша: „Област Курск, добри вести. Русија го добива она што го заслужува“.
