Македонски
Доколку германските војници бидат распоредени во Украина тие нема да бидат „миротворци“, туку би предизвикале опасна ескалација против Русија, за „Велат ам сонтаг“ (Welt am Sonntag) изјави копретседателката на десничарската партија Алтернатива за Германија (АФД), Алис Вајдел.
Таа истакна дека Русија отсекогаш јасно ставала до знаење дека проширувањето на НАТО кон нејзините граници е црвена линија која јасно ја загрозува нејзината национална безбедност.
Минските договори не беа почитувани од Украина. Не е изненадувачки што прекинот на огнот во моментов е надвор од дискусијата. Зошто Путин воопшто би му верувал на Западот? Русите сакаат да воспостават тампон зона за да ја заштитат својата национална безбедност затоа што повеќе не му веруваат на Западот – и ќе инсистираат на тоа“, истакна Вајдeл.
Германската политичарка посочи дека „угнетувањето на рускојазичното население во источна Украина пред ескалацијата на конфликтот секогаш се занемарува во дискусијата околу Украина.“
Вајдeл додаде дека украинскиот претседател Володимир Зеленски бил излажан од Западот со цел да ја продолжи борбата против Русија.
Зеленски е трагична фигура на Украина. Западот му даде лажна надеж. Мировното решение од преговорите во Истанбул во 2022 година ќе беше многу поповолно за Украина. Зеленски мора да прифати критики за тоа што не дејствувал во интерес на националната безбедност на Украина“, истакна Вајдeл.
