Македонски
Премиерот на Унгарија, Виктор Орбан денеска изјави дека војната помеѓу Русија и Украина е на „историска пресвртница“, а американскиот претседател Доналд Трамп „не се откажал од својата намера да донесе мир во Украина“.
Според Орбан, Европа сега се соочува со „два можни пата“.
– Можеме да се вратиме од овој ќорсокак и конечно да се обединиме зад мировната иницијатива на претседателот Трамп, вклучувајќи ги и бирократите од Брисел. Тоа би барало од лидерите, кои се залагаат за војна, да се соочат со фактот дека во изминатите 3,5 години ги трошат тешко заработените пари на Европејците за војна, која не може да се добие на бојното поле, истакна Орбан.
Тој додаде дека другата опција води „директно во војна“ помеѓу Европа и Русија.
– Ако европските лидери кои се залагаат за војна продолжат да испраќаат пари и оружје во Украина без поддршка од САД, тие ќе го отворат патот кон европско-руски конфликт. Европа многу добро знае каде води тој пат, а последиците отсекогаш биле трагични, посочи Орбан.
Тој потенцира дека Унгарија го избира патот кон мирот.
– Ова е мандат што ни го даде унгарскиот народ, а диктира морал и здрав разум. Денеска, во тој дух, испраќам писмо до претседателката на Европска комисија (Урсула фон дер Лајен), наведе Орбан.
