Најмалку 153 лица загинаа во поплавите и свлечиштата во Шри Ланка

Принтскрин од видео / Илустрација

Најмалку 153 лица загинаа во поплавите и свлечиштата во Шри Ланка предизвикани од циклонот Дитва, а 191 лице се води за исчезнато, додека над половина милион лива во земјата се во опасност, објавија денеска локалните власти.

Повикувајќи се на соопштение од Центарот за управување со катастрофи, Ројтерс објави дека околу 78.000 лица се преместени во речиси 800 прифатни центри, претежно сместени во училишта.

Илјадници полицајци, маринци и војници дистрибуираат храна до настраданите , ги чистат патиштата и ги преместуваат ранливите семејства на безбедни локации.

По должината на бреговите на реката Келани, 554 жители на градчето Малвана, што се наоѓа на околу 20 километри од Коломбо, беа погодени од најлошата поплава во последните десет години, а повеќето од нив останаа без покрив над главата, без електрична енергија и вода, објавија локалните власти.

Метеоролошката служба на Шри Ланка објави дека дождот ќе продолжи во текот на викендот, зголемувајќи ги стравувањата од поголеми поплави во веќе загрозените делови од оваа островска земја. сд/